- Advertisement -

ગોવિંદાની જેમ રાજનીતિમાં પરત ફરશે સંજય દત્ત : અફવાઓનો અંત લાવશે

- Advertisement -

લોકસભા ચૂંટણી 2024માં હિન્દી ફિલ્મ ઈન્ડસ્ટ્રીના બે સ્ટાર્સ ગોવિંદા અને કંગના રનૌત પોતાની રાજકીય કારકિર્દી શરૂ કરવા જઈ રહ્યા છે. ગોવિંદા રાજકારણમાં પોતાનું નસીબ અજમાવી ચૂક્યા છે. કંગના આ ફિલ્ડમાં પહેલીવાર એન્ટ્રી કરી રહી છે. બંનેના રાજકારણમાં પ્રવેશના સમાચાર આવ્યા બાદ ચર્ચા શરૂ થઈ હતી કે લાંબા સમયથી રાજકારણમાં પોતાના મૂળિયા ધરાવનાર ઈન્ડસ્ટ્રીનો બીજો મોટો અભિનેતા પણ રાજકારણમાં વાપસી કરવા જઈ રહ્યો છે અને આ અભિનેતા છે સંજય દત્ત.

- Advertisement -

છેલ્લા કેટલાક દિવસોથી સંજય દત્ત વિશે સમાચારો અને સોશિયલ મીડિયાની ચર્ચાઓમાં એવી અટકળો ચાલી રહી હતી કે તે પણ આ ચૂંટણીની રેસમાં હાથ અજમાવી શકે છે. હવે આ સવાલનો જવાબ ખુદ સંજયે આપ્યો છે. તેણે પોતાના X એકાઉન્ટ પર પોસ્ટ કરીને રાજકારણમાં પ્રવેશના સમાચાર પર પ્રતિક્રિયા આપી.સંજય દત્તે સોશિયલ મીડિયા પોસ્ટમાં લખ્યું કે, ‘હું રાજકારણમાં મારા પ્રવેશ અંગેની તમામ અફવાઓનો અંત લાવવા માંગુ છું. હું કોઈ પાર્ટીમાં જોડાઈ રહ્યો નથી કે ચૂંટણી લડી રહ્યો નથી.

સંજયે વધુમાં કહ્યું હતું કે જો તે ક્યારેય આવું કંઈક કરવા માંગે છે તો તે છુપાવશે નહીં. તેણે લખ્યું, ‘જો હું રાજકીય મેદાનમાં આવવાનું નક્કી કરીશ તો પણ હું પોતે આની જાહેરાત કરનાર પ્રથમ વ્યક્તિ બનીશ. મહેરબાની કરીને આ દિવસોમાં મારા વિશેના સમાચારોમાં જે કંઈ ચાલી રહ્યું છે તેના પર વિશ્વાસ કરવાનું ટાળો. આ પહેલીવાર નથી જ્યારે સંજયે રાજનીતિમાં પ્રવેશની અફવાઓ પર પ્રતિક્રિયા આપવી પડી હોય. ફ્રી પ્રેસ જર્નલ અનુસાર, 2019 માં, તેણે મહારાષ્ટ્રના એક મંત્રીના દાવાને રદિયો આપ્યો હતો કે તે રાષ્ટ્રીય સમાજ પક્ષ પાર્ટીમાં જોડાવા જઈ રહ્યો છે.

- Advertisement -
- Advertisement -